Skip to content

Fullveldi.is

VEFSETUR UM UTANRÍKIS- OG VARNARMÁL

Menu
  • Forsíða
  • Greinar
    • EES-samningurinn
      • Bókun 35
    • Evrópumál
    • Fríverzlun
    • Schengen
    • Stjórnarskrármál
    • Varnarmál
  • Skýrslur
  • Hlaðvarp
  • Fullveldi.is
  • English
Menu

Hagstæðara að sigla undir brezkum fána

Posted on January 19, 2022 by Fullveldi

Stjórnvöld í Bretlandi hafa í hyggju að bjóða skipafélögum skattaívilnanir ef skip þeirra sigla undir brezkum fána. Nokkuð sem ekki var gerlegt á meðan Bretar voru í Evrópusambandinu og bundnir af regluverki þess. Vegna aðildar Íslands að EES-samningnum eru Íslendingar bundnir af umræddu regluverki sambandsins.

Fram kemur í frétt brezka dagblaðsins Daily Telegraph að til standi að áformin komi til framkvæmda í apríl. Á meðan Bretar voru í Evrópusambandsins var brezkum stjórnvöldum óheimilt að bjóða skipafélögum sem skráðu skip sín í Bretlandi hagstæðari kjör en þeim sem skráðu skip sín annars staðar innan sambandsins.

„Stolt og framúrskarandi siglingaþjóð“

Haft er eftir fjármálaráðherra Bretlands, Rishi Sunak, í frétt dagblaðsins að skipafélögum, sem fjárfesta í umhverfisvænum skipum, verði einnig veittar skattaívilnanir samkvæmt áformunum. Það sé liður í því að brezk stjórnvöld nái markmiði sínu um að draga alfarið úr losun gróðurhúsalofttegunda fyrir árið 2050.

„Bretar hafa alltaf verið stolt og framúrskarandi siglingaþjóð, 95% af vöruviðskiptum okkar fara fram sjóðleiðis. Með útgöngu okkar úr Evrópusambandinu er tímabært að gera enn meira til þess að styðja brezk skipafélög til frekari vaxtar og til þess að geta keppt á alþjóðlegum mörkuðum,“ er einnig haft eftir Sunak.

Reglur ESB binda hendur Íslendinga

Vegna aðildar Íslands að EES-samningnum eru Íslendingar sem fyrr segir í hliðstæðri stöðu og Bretar voru í innan Evrópusambandsins hvað regluverk þess snertir. Ekki sízt af þeim sökum hafa Eimskip og Samskip um árabil skráð skip sín erlendis. Meðal annars í Færeyjum sem hvorki eru aðilar að sambandinu né EES.

„Færeyjar hafa sterkari samkeppnisstöðu en Ísland og Noregur þar sem Færeyjar eru hvorki innan EES né Evrópusambandsins. Þeir þurfa því ekki að innleiða sömu reglur og Ísland og Noregur,“ segir meðal annars um málið í skýrslu sem unnin var um það fyrir Íslandsstofu og gefin út haustið 2014.

Úr 37 skipum undir íslenzkum fána í 0

„Við mat á því hvort íslenzk skipaskrá sé raunhæfur möguleiki verður að líta til þess að íslenzk fyrirtæki hafa kosið að skrá skip sín í ríkjum utan EES og það getur reynzt erfitt að keppa við þau varðandi ívilnanir vegna takmarkana sem EES-samningurinn setur,“ segir í skýrslu fjármálaráðuneytisins frá 2014.

Fram kemur í skýrslunni fyrir Íslandsstofu að árið 1987 hafi Íslendingar átt 50 kaupskip og þar af hafi 37 siglt undir íslenzkum fána. Þeim hafi fækkað verulega á tíunda áratug síðustu aldar og síðasta skipið horfið af íslenzku skipaskránni upp úr aldamótum. Ísland gerðist aðili að EES-samningnum árið 1994.

HJG

(Ljósmynd: Tower Bridge í London, höfuðborg Bretlands. Eigandi: SvG)


Tengt efni:
Fjármagn streymir til Bretlands
Höfuðstöðvar Shell til Bretlands
Vilja refsa Bretum fyrir Brexit
„Þetta er ekki vandamál tengt Brexit“
Fjármálahverfi London heldur stöðu sinni

HELZTU GREINAR


Mýtan um sætið við borðið

Kæmi til þess að Ísland gengi í Evrópusambandið tæki vægi landsins fyrst og fremst mið af íbúafjölda þess. Til að mynda þegar teknar væru ákvarðanir varðandi sjávarútvegs- og orkumál sem skipta okkur Íslendinga miklu máli. Ekki sízt í ráðherraráði sambandsins sem gjarnan er skilgreint sem valdamesta stofnun þess. Vægi Íslands þar yrði þannig í langflestum tilfellum aðeins um 0,08% eða á við 5% hlut í alþingismanni.



Verður það sama gert aftur?

Formaður Sjálfstæðisflokksins, Bjarni Benediktsson, sagði í kappræðum formanna stjórnmálafokkanna á Stöð 2 á dögunum, aðspurður af Sigmundi Davíð Gunnlaugssyni, formanni Miðflokksins, hvort til þess gæti komið að hann gæfi eitthvað eftir varðandi inngöngu í Evrópusambandið kæmi til ríkisstjórnarsamstarfs flokks hans við Viðreisn og Samfylkinguna eftir þingkosningarnar, að hann gæti ekki og myndi ekki taka þátt í ríkisstjórn sem berðist fyrir því að Ísland gengi í sambandið. Hann sæi engin rök fyrir inngöngu í það.



Vilja miklu stærra bákn

Mjög sérstakt er að sjá forystumenn Viðreisnar og aðra frambjóðendur flokksins gagnrýna umfang íslenzku stjórnsýslunnar og segjast vilja minnka báknið á sama tíma og helzta stefnumál flokksins, sem öll önnur stefnumál hans taka í raun mið af, er að Ísland gangi í Evrópusambandið sem telur stjórnsýsluna hér á landi þvert á móti allt of litla til þess að standa undir þeim skuldbindingum sem fylgja inngöngu í sambandið.



Fámennt ríki á jaðrinum

Versta staða sem ríki getur verið í innan Evrópusambandsins, þegar kemur að möguleikum á því að hafa áhrif á ákvarðanatökur innan þess, er að vera fámennt ríki á jaðri sambandsins. Kæmi til þess að Ísland gengi í Evrópusambandið yrði landið bæði það fámennasta innan sambandsins og á yzta jaðri þess.



Hegðaði sér eins og einræðisherra

„Ég vissi að ég gæti aldrei unnið þjóðaratkvæði hér í Þýzkalandi. Við hefðum tapað sérhverri atkvæðagreiðslu um evruna. Það er alveg ljóst,“ sagði Helmut Kohl, fyrrverandi kanzlari Þýzkalands, í samtali við þýzka blaðamanninn Jens Peter Paul árið 2002. Viðtalið er að finna í doktorsritgerð Pauls sem gerð var opinber um áratug síðar en Kohl gegndi kanzlaraembættinu þegar grunnur var lagður að Evrópusambandinu eins og við þekkjum það í dag og evrusvæðinu með Maastricht-sáttmálanum á tíunda áratug síðustu aldar.



Mjög skiljanleg umræða um EES

Vaxandi umræða um það hvort rétt sé fyrir okkur Íslendinga að vera áfram aðilar að EES-samningnum er afar skiljanleg þó Hanna Katrín Friðriksson, þingflokksformaður Viðreisnar, telji hana óskiljanlega samanber pistill hennar í Morgunblaðinu á dögunum þar sem hún hélt því enn fremur meðal annars fram að án samningsins færum við aftur í torfkofana. Eða eins og hún kaus að orða það: „Eins og það sé einhver glóra í því fyrir þjóð sem á allt sitt undir viðskiptum við önnur lönd að forða sér aftur inn í torfkofana.“



Varði ekki viðsnúninginn

Fróðlegur fundur var haldinn í húsakynnum okkar sjálfstæðismanna í Kópavogi á laugardaginn þar sem Þórdís Kolbrún Reykfjörð Gylfadóttir, utanríkisráðherra og varaformaður Sjálfstæðisflokksins, flutti erindi og sat síðan fyrir svörum. Meðal þeirra mála sem voru helzt til umræðu var frumvarp Þórdísar um bókun 35 við EES-samninginn sem mun þýða, nái það fram að ganga, að fest verði í lög að regluverk frá Evrópusambandinu sem innleitt hefur verið í gegnum samninginn gangi framar innlendri lagasetningu.



Við erum á allt öðrum stað

Verðbólga á evrusvæðinu náði hámarki í október 2022 miðað við samræmda vísitölu neyzluverðs á Evrópska efnahagssvæðinu og mældist þá 10,6%. Á sama tíma var verðbólga á Íslandi á sama mælikvarða 6,4%. Eftir það fór verðbólga á evrusvæðinu minnkandi en byrjaði ekki að minnka hér á landi fyrr en í febrúar 2023. Ástæðan er sú að verðbólgan hér hefur verið nokkrum mánuðum á eftir stöðu mála innan svæðisins. Verðbólgan fór með öðrum orðum fyrr upp á evrusvæðinu en hér á landi og fyrir vikið er hún seinni niður hér.



Treystandi fyrir stjórn landsins?

Formanni Viðreisnar, Þorgerði Katrínu Gunnarsdóttur, hefur orðið nokkuð tíðrætt á kjörtímabilinu um að það þurfi „einfaldlega að fara að stjórna þessu landi“ eins og hún til að mynda orðaði það í grein á Vísir.is fyrr á árinu. Þar beindi formaðurinn spjótum sínum að ríkisstjórninni sem sannarlega er hægt að gagnrýna fyrir ýmislegt. Hins vegar er vandséð að Þorgerði og flokki hennar væri betur treystandi fyrir stjórn landsins.

  • Með vægi í samræmi við það
  • Tölum endilega um staðreyndir
  • Skjól fyrir spillta stjórnmálamenn
  • Vilja Ísland í evrópskt sambandsríki
  • „Þetta er algerlega galið“
©2025 Fullveldi.is | Built using WordPress and Responsive Blogily theme by Superb