Vefsíðan Fullveldi.is er í eigu Hjartar J. Guðmundssonar, sagnfræðings og alþjóðastjórnmálafræðings (MA í alþjóðasamskiptum með áherzlu á Evrópufræði og öryggis- og varnarmál), þar sem umfjöllunarefnin eru aðallega utanríkismál, þá einkum með tilliti til fullveldis og fríverzlunar, og öryggis- og varnarmál.
Hjörtur starfaði í áratug sem blaðamaður á Morgunblaðinu og mbl.is (2010-2020) þar sem hann fjallaði ekki sízt um utanríkis- og varnarmál. Hann hefur einnig starfað sem sérfræðingur í samskiptum og almannatengslum og sömuleiðis ritað skýrslur um alþjóðamál fyrir erlendar hugveitur. Þá hefur hann um árabil verið ráðherrum og þingmönnum, bæði innanlands og erlendis, til ráðgjafar í þeim efnum.